唔知點面對我姐姐
由細到大，我同家姐都無咩兩句，而且以前細個佢成日都打我，攪到我好怕佢，唔係自己一個人玩就係扮讀書，總之唔係好想同佢接觸。但係佢份人真係好麻煩，成日咩都要我幫佢做，唔係幫佢將佢房既垃圾搬來搬去，就要我幫佢洗佢衫，但係佢自己就成日就煲電話粥唔做野。幫佢做完野又唔滿意，係咪都會鬧我一餐，我見大家兩姊弟都廢事嘈，好多時都自己行開算數。
近呢兩個月佢好早就返屋企，一返黎就入房閂埋門，食飯先出一出黎，食完就入返過入去。見姊弟上頭，我好心問佢咩事，佢又無端端鬧鬼我，又話我多事又煩，成個癲婆鬧足我成個鐘先收口。上個星期六，係夜晚訓緊覺既時候，佢又無啦啦開門入我房整醒我，話天氣凍，然後就訓埋係我張床度，我見係咁，咪起身拎埋自己張被去佢個房到搵床訓囉，佢拉住我話唔好，我當時好鬼眼訓，又俾佢煩，咪好惡咁話佢痴左咩線，口叫佢死開D啦。點知佢無好似平時咁鬧返我，反而頭dup dup想喊唔既樣，我見唔對路就無出聲，佢反而同我講左句對唔住就返去自己間房。
我去返佢間房問佢咩事，佢又只係擰晒頭話無事，話只係發左個惡夢。佢咁講我當然唔信，但問多句佢又話無野，我咪返番自己房訓囉，唔夠五分鐘佢又過黎，野都唔講又訓上黎，我估佢都可能唔開心，所以無理佢繼續訓。訓訓下佢捉住我隻手，又講同我對唔住，我是但應左佢哦一聲就算，我感覺到佢手震震，睇下佢做咩，見佢係咁流眼淚，佢見我見到佢喊緊，又係咁講對唔住。雖然大家平時都無咩兩句，話晒血濃於水，見佢咁樣我都好難過，但又唔知點做好，咪係咁模佢個頭叫佢唔好喊、無事啦之類。但係佢越喊越厲害，成個人仲攬實我，仲係攬得好大力，攬到我抖唔到氣咁滯。
... 繼續閱讀