拜年拜到上床咁滯
當我禁左兩下門鐘後，響鐵閘入面的木門就打開，於是我就好「機械式」地咁話：「恭喜發財！」
同樣地，屋內面的人也是好「本能」地回應：「大家咁話、大家咁話…」的同時，度鐵閘就打開了。好自然我同我老豆老母就一齊入去。
一入到屋，我就鮍鮍就話：「恭喜表叔今年賺多d、表嬸就龍馬精神……」正當我講完d台詞時，我e個今年廿四歲，好似「A貨Jolie」的表姐就帶住一副長方黑框眼鏡、一身灰色長袖timberland sweater（好似仲係我幾年前響日本的outlet買黎送俾佢果件咁）、一條幾短牛仔短裙，和踢著對「人字拖」咁一路由房行出黎，一路就話：「咁我呢？我冇架！」
我就馬上補飛咁話：「咁祝表姐妳年年都咁索。」佢至順返條氣咁。
這時表叔佢地就好例牌請我地坐，然後表姐又係好自動咁羅個全盒黎叫我地「抓金、抓銀」。
之後，老媽子就響佢個「飛甩雞毛」手袋度羅左兩封利是出黎，同時就話：「阿琴，利是仔，利利是是。不過阿琴妳咁靚女，幾時到妳派呀？」唉！又響度玩「交換利是」呀！而響e方面，表嬸就同老媽子係有「共識」！一樣係咁話：「係啦！係啦！」結果表姐就只有學左芊嬅果招「用笑擋駕」。
這時老豆學人扮晒in咁問表姐：「阿琴，妳有冇出去wet呀？」
表姐就話：「冇呀！初四我就飛去倫敦搞野，襯依幾日做埋d手尾。」這時我心諗：「表姐除左個頭係好似set過之外，唔怪著得咁casusal，兼烏wet，連妝都冇化咁，不過，就算佢冇化妝都係好靚女。」
... 繼續閱讀