仙氣表姐Sita
响一個高貴柚木大門，金黃色門鎖緩緩扭動。
好快大門打開，有一個人輕輕慢慢進入。
進入既係一個長黑頭髮，眉尾上揚配合充滿自信雙眼；鼻尖尖、豐潤紅唇。倒三角面形中有精緻五官，係一個超靚女必備條件。
靚爆樣貌下，頸項有條鑽石頸鍊。
條鍊係碎鑽，閃亮之餘不俗氣，更增添佢嘅氣質。
靚女著住套黑色西裝，外套係短袖窄身，內裏係白色恤衫，領口位反出覆蓋西裝上。
下身係條黑色膝頭高少少嘅窄身裙，裙下對落係黑絲，黑絲質地唔厚，隱約透出雪白肌膚顏色。
衫同裙都係貼身，份外突出佢前凸後翹身材…
就算佢唔係大波，不過匹配响佢既身段係無懈可擊。
腳掌上係對黑色高踭鞋，對鞋唔算好高踭，只係兩寸高。
如果再高，會顯得佢好高…
因為佢身高1.76公尺，有哩種身高加上優美身材，係活脫脫模特兒應有條件。
佢偏偏唔係做model，而係响大型時裝店做營銷採購經理。
係咪嘥咗佢？
可能係，又可能唔係…
唔係嘅原因，係佢性格唔適合。
靚女啱啱踏入家門，就有把女聲同佢講：「Sita，返嚟喇？」
「係呀媽咪，我咁細聲妳都知？」Sita發出甜笑。
「妳係我個女，我當然會知。」Sita媽媽講：「去沖個涼，然後食飯。」
「知道。」Sita有禮貌回答，然後將高踭鞋除下放入鞋櫃，再著上拖鞋行向睡房。
Sita間屋都幾大，接近千五呎；屋內裝設華麗，設有一個浴缸。
浴缸係Sita鍾意嘅地方。
一嚟因為浸泡好舒服…
二嚟…
係佢私人地帶。